Թել Ավիվի Բեն Գուրիոնի անվան միջազգային օդանավակայանում հայտարարվել Է պայթյունի սպառնալիք եւ տարհանում Է անցկացվել այն բանից հետո, երբ ԱՄՆ-ից ժամանած ընտանիքի ուղեբեռում հայտնաբերվել Է չպայթած ռումբ:
Այդ մասին հաղորդել Է The Jeruselem Post-ը՝ վկայակոչելով տեղական իշխանություններին: Ինչպես նշվում Է, ամերիկացի զբոսաշրջիկները չպայթած ռումբը գտել են Գոլանի բարձունքներ այցելության ժամանակ եւ որոշել են այն վերցնել իրենց հետ: Երբ նրանք անվտանության ծառայության տեսուչներին ցույց են տվել չպայթած ռումբը, շտապ տարհանում Է հայտարարվել պայթյունի սպառնալիքի պատճառով:
Սոցցանցերում ցուցադրված կադրերում երեւում Է, որ հայտարարությունից հետո օդանավակայանում խուճապ Է սկսվել: Մի տղամարդ վնասվածքներով հոսպիտալացվել Է այն բանից հետո, երբ փորձել Է մագլցելով անցնել ուղեբեռի կարուսելի վրայով: Ընտանիքի անդամներին, որոնք ռումբը բերել են օդանավակայան, չվերթ են նստեցրել անվտանգության ծառայությունների աշխատակիցների կողմից հարցաքննությունից հետո, հաղորդել Է «Ինտերֆաքս»-ը:
