Չինաստանի նախագահ Սի Ծինփինն ու Իրանի նախագահ Իբրահիմ Ռայիսին միջազգային հանրությանը կոչ են արել պայմաններ ստեղծել ուկրաինական հակամարտության խաղաղ կարգավորման համար։
Այդ մասին նշված է Պեկինում երկու երկրների նախագահների բանակցություններից հետո երեկ ընդունված համատեղ հայտարարությունում։
«Չինաստանն ու Իրանը միջազգային հանրությանը, հատկապես համապատասխան կողմերին (Ռուսաստանին և Ուկրաինային-խմբ․) կոչ են անում պայմաններ ստեղծել ուկրաինական ճգնաժամը խաղաղ կարգավորելու համար»,- նշված է հայտարարությունում, որը հրապարակվել է Չինաստանի ԱԳՆ պաշտոնական կայքում։
Նշենք, որ Ռայիսին փետրվարի 14-16-ը պետական այցով Չինաստանում էր գտնվում, Չինաստանի նախագահի հետ նրա հանդիպումը տեղի է ունեցել այցի առաջին օրը՝ Պեկինում։
