Լեռնային Ղարաբաղում «Իսկանդեր-Մ» հրթիռային բեկորների հայտնաբերման վերաբերյալ Բաքվի տեղեկատվության հետ կապված թեման քննարկում են Ռուսաստանի և Ադրբեջանի զինված ուժերը: Այս մասին այսօր լրագրողներին հայտնել է Ռուսաստանի Դաշնության նախագահի մամուլի քարտուղար Դմիտրի Պեսկովը՝ փոխանցում է ТАСС գործակալությունը:
«Ռազմական գծով սերտ բանակցություններ են անցկացվում, որի ընթացքում քննարկվում են բոլոր համապատասխան հարցերը»,- հայտարարել է Կրեմլի խոսնակը՝ պատասխանելով այն հարցին, թե արդյոք «Իսկանդեր»-ի բեկորների հայտնաբերման թեման բարձրացվել է Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի հեռախոսազրույցի ժամանակ:
Ալիևը Բաքվում հայտարարել էր, թե ՌԴ նախագահի հետ հեռախոսազրույցի ընթացքում քննարկել է «Իսկանդեր»-ի հարցը:
