Ռուսաստանի Դաշնության նախագահի մամուլի քարտուղար Դմիտրի Պեսկովը պատասխանել է Հավաքական անվտանգության պայմանագրի կազմակերպության (ՀԱՊԿ) անդամ երկրների հոբելյանական գագաթնաժողովի վերաբերյալ լրագրողների հարցերին։
Նրա խոսքով, միջոցառման օրը որոշված է, և դրա համար նախապատրաստական աշխատանքներ են տարվում, սակայն չի նշել ամսաթիվը՝ ասելով, որ դրա մասին պատշաճ կհայտարարվի։
Պատասխանելով հարցին, թե արդյոք այնտեղ կքննարկվի Ուկրաինայում ստեղծված իրավիճակը՝ խոսնակն ասել է, որ դարա մասին կարելի է ենթադրել «որոշակիության բարձր աստիճանով»։ Նա նաև հայտնել է, որ Ղազախստանի նախագահ Կասիմ-Ժոմարտ Տոկաևն արդեն շնորհակալություն է հայտնել Վլադիմիր Պուտինին գագաթնաժողովին մասնակցելու հրավերի համար։