Երևանի Կարեն Դեմիրճյանի անվան մարզահամերգային համալիրում ընթացող բռնցքամարտի Եվրոպայի առաջնության կիսաեզրափակիչ մենամարտերին ներկա է գտնվել ՀՀ վարչապետ Նիկոլ Փաշինյանը։ Մենամարտերին ներկա էին նաև վարչապետի տիկին Աննա Հակոբյանը, որդին՝ Աշոտ Փաշինյանը և դուստրը՝ Արփի Փաշինյանը:
Կիսաեզրափակիչներին մասնակցում էր 4 հայ բռցքամարտիկ: Նրանցից մեկը՝ 86 կգ քաշային Ռաֆայել Հովհաննիսյանը, արդեն ավարտել է իր ելույթը: Նա հաղթել է լեհ բռցքամարտիկ Տոմաշ Նիձվիցկիին և դուրս եկել եզրափակիչ՝ այսպիսով ապահովելով նվազագույնը արծաթե մեդալ:
Բռնցքամարտիկներ Արթուր Բազեյանն ու Հովհաննես Բաչկովը Երևանում ընթացող Եվրոպայի առաջնության կիսաեզրափակչում փայլուն հաղթանակներ են տարել և նույնպես դուրս են եկել եզրափակիչ, որտեղ վաղը՝ մայիսի 30-ին, կպայքարեն ոսկե մեդալների համար:
