Ռուսաստանի արտգործնախարար Սերգեյ Լավրովը երեկ հանդիպել է ԱՊՀ–ի, ՀԱՊԿ–ի, ԵԱՏՄ–ի և Միութենական պետության գործադիր կառույցների ղեկավարների հետ։ Կողմերը քննարկել են հետագա համագործակցությանն առնչվող հարցեր։
Այդ մասին հայտնում է ՀԱՊԿ մամուլի քարտուղար Վլադիմիր Զայնետդինովը, ըստ որի հանդիպմանը մասնակցել են Հավաքական անվտանգության պայմանագրի կազմակերպության գլխավոր քարտուղար Իմանգալի Տասմագամբետովը, ԱՊՀ գլխավոր քարտուղար Սերգեյ Լեբեդևը, ԵՏՀ կոլեգիայի նախագահ Միխայիլ Մյասնիկովիչը, Բելառուսի և Ռուսաստանի միութենական պետության պետքարտուղար Դմիտրի Մեզենցևը:
Կողմերը քննարկել են 2022 թվականին այդ միավորումների գործունեության արդյունքները և առաջիկա ժամանակահատվածի գործընկերության հեռանկարները:
Մտքեր են փոխանակվել միջազգային և տարածաշրջանային արդիական թեմաների շուրջ։
Քննարկվել են նաև Եվրասիական տարածաշրջանում ինտեգրացիոն գործընթացները համակցելու, հատվող և փոխլրացնող իրավասությունների ոլորտներում ավելի սերտ շփումներ հաստատելու հարցերը։