Մայիսի 23-ին՝ ժամը 15։15-ին, Կրասնոդար քաղաքի միջազգային օդանավակայանից Азимут ընկերության օդանավն ուղղություն վերցրեց դեպի Երևան՝ հայտնում են ՌԴ-ում ՀՀ դեսպանությունից. 

«Նշյալ չվերթով անվճար Հայաստան է վերադառնում 104 ՀՀ քաղաքացի, նրանցից 29-ը՝ մանկահասակ երեխաներ։ Հայաստան վերադարձի առաջնահերթություն է տրվել նախապես ցուցակագրված՝ մանկահասակ երեխաներ ունեցող ՀՀ քաղաքացիներին, հաշմանդամներին, բուժման ցուցումով Հայաստան վերադարձողներին և զինակոչիկներին»,- նշված է հայտարարության մեջ։

Հիշեցնենք, որ Պարետի ցուցումով վերոնշյալ թռիչքով Հայաստան ժամանող մեր հայրենակիցները օդանավակայանում ստուգում անցնելուց, տվյալները փոխանցելուց հետո կուղեկցվեն դեպի ինքնամեկուսացման վայրեր։

Աղբյուր՝ ՌԴ-ում ՀՀ դեսպանություն