Ֆրանսիայի Սենատի արտաքին հարաբերությունների, պաշտպանության և զինված ուժերի հանձնաժողովի նախագահ Քրիստիան Կամբոնը մասնակցել է Հայոց ցեղասպանության 107-րդ տարելիցին նվիրված միջոցառմանը:
Ինչպես հաղորդում է «Արմենպրես»-ը, Կամբոնը լուսանկարներ է հրապարակել միջոցառումից՝ գրելով. «Հուզիչ հավաք 1915 թվականին Թուրքիայի կողմից իրականացված Հայոց ցեղասպանության հիշատակին նվիրված խաչքարի մոտ՝ Հայաստանի դեսպան Հասմիկ Տոլմաջյանի մասնակցությամբ: Անգամ այսօր Հայաստանի անվտանգությունն ու ինքնիշխանությունը Ադրբեջանի կողմից մշտական սպառնալիքի տակ է»: