ՀՀ ԱԺ նախագահ Ալեն Սիմոնյանն ուղերձ է հղել Աստվածամոր Ավետման տոնի առթիվ, որում ասված է.
«Ջերմությամբ ու սիրով շնորհավորում եմ բոլոր մայրերին Աստվածամոր Ավետման տոնի առթիվ։ Աստվածայինի և մարդկայինի միատեղման այս օրվա խորհրդի համաձայն՝ մաղթում եմ, որ հավերժական բարության, սիրո և հոգատարության անսպառ լույսն ուղեկցի ձեզ և ձեր ընտանիքներին։
Սիրելի՛ մայրեր, ձեր զորությունը բոլորիս ուժն է և բարի գործերին մղելու հիմնավոր պատճառը։ Առողջություն, երջանկություն և արարման մեծ հնարավորություններ եմ մաղթում՝ հանուն մեր ընտանիքների և հայրենիքի շենության»։
