Բռնցքամարտի Եվրոպայի առաջնությանը կմասնակցի շիրակցի 4 բռնցքամարտիկ: Այս մասին տեղեկացնում է Շիրակի մարզպետարանը:
2022 թվականի մայիսի 21-31-ը Երևանում՝ Կարեն Դեմիրճյանի անվան մարզահամերգային համալիրում, կկայանա բռնցքամարտի Եվրոպայի առաջնությունը։ Եվրոպական այս կարևոր ստուգատեսում Հայաստանի ազգային հավաքական թիմի կազմում մեր երկրի մարզական պատիվը կպաշտպանեն նաև Շիրակի մարզի 4 տիտղոսակիր բռնցքամարտիկները․
- Արթուր Հովհաննիսյան՝ 51 կգ քաշային կարգ, Եվրոպական մարզական խաղերի և Եվրոպայի չեմպիոն
- Հովհաննես Բաչկով՝ 63,5 կգ քաշային կարգ, Օլիմպիական խաղերի բրոնզե մեդալակիր, Եվրոպական մարզական խաղերի չեմպիոն, Եվրոպայի կրկնակի չեմպիոն, աշխարհի առաջնությունների մրցանակակիր
- Համբարձում Հակոբյան՝ 80 կգ քաշայինկարգ, Եվրոպայի մինչև 22 տարեկանների փոխչեմպիոն
- Դավիթ Չալոյան՝ +91 կգ քաշային կարգ, Աշխարհի փոխչեմպիոն
Վարչապետի աշխատակազմի ղեկավար, Բռնցքամարտի Եվրոպայի առաջնության անցկացման աշխատանքները համակարգող միջգերատեսչական հանձնաժողովի նախագահ Արայիկ Հարությունյանն այսօր կայացած ասուլիսին հայտնել է, որ արվում է առավելագույնը՝ Բռնցքամարտի Եվրոպայի առաջնությունը բարձր մակարդակով կազմակերպելու համար։