«3-րդ բանակային կորպուսը, համաձայն 2021 թվականի տարվա պլանի՝ իրականացնում է զորավարժություն: Լուսակերտի և այլ զորամասերում Հայաստանի պաշտպանության նախարարության ռազմական վերահսկողական ծառայությունը մարտական պատրաստության ստուգումներ է իրականացնում»,- այս մասին հայտնել է ԳՇ վարչակազմակերպչական վարչության տեղեկատվության բաժնի պետ, գնդապետ Սամվել Ասատրյանը, հորդորելով զերծ մնալ սոցցանցերում և մեդիահարթակներում բաց աղբյուրներով հակառակորդին տեղեկություն տալուց:

«Որևէ բան չկա, ամեն ինչ հանգիստ է։ Տարածվող տեղեկատվությունը իրականությանը չի համապատասխանում»,-Civic.am-ի հետ զրույցում ասաց Սյունիքի մարզպետ Մելիքսեթ Պողոսյանը։ Մարզպետը նշեց, որ այս պահին գնում է Սև լիճ իրավիճակին տեղում ծանոթանալու համար։

Մարզպետից հետաքրքրվեցին՝ հայկական հենակետի շրջափակման մեջ մնալու մասին տեղեկությունները, որը տարածում է Սյունիքի նախկին մարզպետ Վահե Հակոբյանը, որքանով են իրականությանը համապատասխանում։ Պողոսյանը կրկնեց նույն պատասխանը,որ դրանք սուտ տեղեկություններ են և հորդորեց հետևել բացառապես Պաշտպանության նախարարության հաղորդագրություններին։