Մարտի 11-ին եւ 12-ին ՌԴ Նախագահ Վլադիմիր Պուտինը հեռախոսազրույցներ է ունեցել Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության Նախագահ Իլհամ Ալիեւի հետ: Այս մասին հայտնում է Կրեմլի մամուլի ծառայությունը։
Կողմերը քննարկել են 2020թ. նոյեմբերի 9-ի և 2021թ. հունվարի 11-ի եռակողմ հայտարարություններում Լեռնային Ղարաբաղի վերաբերյալ ձեռք բերված պայմանավորվածությունների իրագործման գործնական հայեցակարգերը: Գոհունակությամբ արձանագրվել է, որ հրադադարի ռեժիմն անշեղորեն պահպանվում է, իսկ տարածաշրջանում իրավիճակը մնում է ընդհանուր առմամբ կայուն եւ հանգիստ:
Իլհամ Ալիեւն ու Նիկոլ Փաշինյանը բարձր գնահատական են տվել շփման գծում եւ Լաչինի միջանցքի երկայնքով տեղակայված ռուսական խաղաղապահ զորախմբի արդյունավետ գործողություններին: Անդրադարձ է կատարվել նաեւ Հարավային Կովկասում տնտեսական եւ տրանսպորտային կապերի ապաշրջափակմանը վերաբերող հարցերին:
Այս համատեքստում դրական առումով նշվել է աշխատանքային խմբի գործունեությունը՝ երեք երկրների փոխվարչապետների համանախագահությամբ։ Կարծիքներ են փոխանակվել ռուս-ադրբեջանական և ռուս-հայկական համագործակցության արդիական հարցերի շուրջ։