ԱԺ «Իմ քայլը» խմբակցության պատգամավոր Հովհաննես Իգիթյանն անդրադարձել է ընդդիմության հետ երկխոսության հավանականությանը, ընդգծել, որ սպառնալիքով, ուժի կիրառումով, կոչերով երկխոսություն չի կարող ձևավորվել:
«Ես կարող եմ իմ կարծիքը հայտնել արտահերթ ընտրությունների մասին, բայց տեսնում եմ՝ մյուս կողմը, որ հանրահավաքներ է անում, մեսիջներ է ուղարկում, օրակարգում չունի այդ հարցը: Ինչպե՞ս կարող եմ ասել՝ գնանք արտահերթ ընտրությունների, եթե մյուս կողմը չի համարում այն որպես իրենց օրակարգում դրված հարցերի լուծում»,- ընդգծել է Իգիթյանը:
Նրա խոսքով՝ ընդդիմադիր ուժերը, որ պահանջում են վարչապետի հրաժարականը, կարող են շարունակել նույն պահանջը:
«Բայց չմտածեն, թե այս օրակարգը կարող է դառնալ հայության միասնական օրակարգ»,- նշել է պատգամավորը՝ հավելելով, որ Սփյուռքում, օրինակ՝ ոչ բոլորն են ցանկանում ՀՀ վարչապետի հրաժարականը:
