«Իմ քայլը» խմբակցությունից Հանրային Ռադիոյին հայտնում են, որ Ազգային ժողովում խորհրդարանական «Իմ քայլը» խմբակցությունը այսօր չի անցկացնում և չի անցկացրել խմբակցության նիստ: «Քաղաքացիական պայմանագիր» կուսակցության հանրային կապերի համակարգող Վահագն Ալեքսանյանն էլ ֆեյսբուքի իր էջում հայտնել է, որ մամուլում տարածում գտած լուրը, թե իբր «Քաղաքացիական պայմանագիր» կուսակցության վարչությունը նիստ է գումարել, որի ընթացքում քննարկվել է վարչապետի հրաժարականը, ապատեղեկատվություն է։
«Տելեգրամյան անհայտ ծագման, անհայտ երկրից ղեկավարվող ալիքում հայտնված ու հայաստանյան մամուլում տարածում գտած լուրը, թե իբր «Քաղաքացիական պայմանագիր» կուսակցության վարչությունը նիստ է գումարել, որի ընթացքում քննարկվել է վարչապետի հրաժարականը, աղերս չունի իրականության հետ։
Կարծում ենք, որ այս ապատեղեկատվությունը պետք է դիտարկել որպես Հայաստանի քաղաքացիների դեմ տարվող ինֆոտեռորի մաս»,- գրել է Ալեքսանյանը։
