«Ես չեմ մասնակցելու արտահերթ ընտրություններին, ըստ այդմ, որոշում եմ կայացրել չներառվել հունիսի 20-ին արտահերթ ընտրությունների «ՔՊ» համամասնական ցուցակում»։
Այս մասին ֆեյսբուքյան իր էջում գրել է ԱԺ պատգամավոր Նիկոլայ Բաղդասարյանը՝ հաջողություն մաղթելով իր թիմակիցներին։
«Որոշմանս մեջ քաղաքական ենթատեքստեր չկան,
խնդրում եմ հարգել նաև իմ որոշումը. հավելյալ մեկնաբանություն այս հարցի վերաբերյալ չունեմ»,-եզրափակել է նա։
Ավելի վաղ նման որոշման մասին էր հայտնել նաև ԱԺ պատգամավոր Արտակ Մանուկյանը: