Հայաստանի եւ Արցախի ԱԳ նախարարներ՝ Արա Այվազյանն ու Մասիս Մայիլյանը, հեռախոսազրույց են ունեցել։
Մասիս Մայիլյանը շնորհավորել է Արա Այվազյանին ՀՀ արտաքին քաղաքական գերատեսչության ղեկավարի պաշտոնում նշանակման կապակցությամբ։
«Վստահ եմ, որ դիվանագիտական ծառայության ոլորտում նրա հարուստ փորձը և մասնագիտական ներուժը ի սպաս կդրվեն հայկական երկու պետությունների շուրջ ստեղծված դժվարին իրավիճակում արդյունավետ լուծումներ գտնելուն և ՀՀ արտաքին քաղաքականության իրականացման կարևոր և պատասխանատու առաքելությանը:
Հեռախոսազրույցի ընթացքում համոզմունք եմ հայտնել, որ մեր գերատեսչությունների միջև հաստատված սերտ և արդյունավետ համագործակցությունը կշարունակի զարգանալ և ամրապնդվել՝ ի շահ համահայկական օրակարգի և նպատակների առաջմղման ու իրականացման»,- ֆեյսբուքյան իր էջում գրառել է Արցախի ԱԳ նախարարը:
