Ազգային ժողովի «Իմ քայլը» խմբակցության ղեկավար Լիլիթ Մակունցի խոսքով` իր ունեցած նախնական տեղեկատվությամբ` հնարավոր է, որ հանդիպում լինի վարչապետի և ԲՀԿ ղեկավար Գագիկ Ծառուկյանի ու խմբակցության անդամների միջև:
«Ես անկեղծ ասած` չգիտեմ հստակ, վերջնական տեղեկությունը, ես` որպես «Իմ քայլը» խմբակցության ղեկավար, նախնական տեղեկություն ստացել եմ, որ հնարավոր է լինի նման հանդիպում: Առայժմ արարողակարգից որևէ ժամի մասին չգիտեմ», - լրագրողներին ասաց Մակունցը:
Վերջինս նշեց, որ եթե այդ հանդիպումը լինի, ապա օրակարգում արտահերթ ընտրություններն են լինելու: Միաժամանակ Լիլիթ Մակունցն ասաց, որ իր տեղեկություններով` հնարավոր է, որ հանդիպում լինի բոլոր 3 խմբակցությունների ղեկավարների հետ:
