Լեռնային Ղարաբաղի կարգավիճակի որոշման հարցը զգայուն թեմա է հակամարտող կողմերի համար, այն որոշելու համար ժամկետներ չկան։ Այս մասին լրագրողների հետ զրույցում ասել է ՌԴ ԱԳ փոխնախարար Անդրեյ Ռուդենկոն, գրում է ՏԱՍՍ-ը։
«Մենք ակնկալում ենք, որ սա չի հանգեցնի նոր բախումների, առավել ևս՝ արյունահեղության: Այնուամենայնիվ, զգալի է մնում ԵԱՀԿ Մինսկի խմբի դեր, որը կլուծի այն խնդիրները, որոնք արտացոլված չեն համաձայնագրում»,- ասել է Ռուդենկոն՝ մեկնաբանելով Ադրբեջանի նախագահ Իլհամ Ալիևի հայտարարությունները, թե Լեռնային Ղարաբաղի հատուկ կարգավիճակի հարցը չի քննարկվելու: Ռուդենկոն նաև հավելել է, որ Լեռնային Ղարաբաղում ռուսական խաղաղապահ զորախմբի թվի ավելացման հարցը չի քննարկվում:
«Ռուս խաղաղապահների թիվը հստակ սահմանված է երեք ղեկավարների հայտարարության մեջ: Մենք ելնում ենք այնտեղ գրվածից»,- հայտարարել է նա:
