Կարծում եմ, որ երկուստեք այդ հանդիպումներից բավարարված ենք, մնում է, որ մեր պայմանավորվածությունները կառավարություններն իրականություն դարձնեն: Այս մասին ԱԺ-ում հարցուպատասխանի ժամանակ նշեց վարչապետ Նիկոլ Փաշինյանը`անդրադառնալով Երևանում ՌԴ նախագահ Բլադիմիր Պուտինի հետ իր հանդիպման վերաբերյալ «Իմ քայլը» խմբակցության պատգամավոր Միքայել Զոլյանի հարցին:
«ՌԴ նախագահի հետ երկու ծավալուն հանդիպում ենք ունեցել: Մոտ երեք ժամ քննարկել ենք մեր երկրների հարաբերությունների ամբողջ ծավալը: Կարծում եմ, որ երկուստեք այդ հանդիպումներից բավարարված ենք, մնում է, որ մեր պայմանավորվածությունները կառավարություններն ու քաղաքական թիմերը հետևողականորեն իրականություն դարձնեն»,- ասաց Փաշինյանը:
Ինչ վերաբներում է երեկ Երևանում տեղի ունեցած Եվրասիական տնտեսական միության Բարձրագույն խորհրդի նիստի ընթացքում այլ մասնակից պետությունների ղեկավարների հետ քննարկումներին ու հանդիպումներին՝ Փաշինյանը նշեց, որ ՀՀ բոլոր գործընկերների հետ հարաբերություններն այդ քննարկումների ու հանդիպումների արդյունքում նոր դրական լիցք կստանան:
