Ինչպես հաղորդում է "ՌԻԱ Նովոստի"-ն ՀՀ կառավարության մամուլի ծառայությունը հերքել է լրատվամիջոցներում հայտնված տեղեկություններն այն մասին, թե ՀՀ վարչապետ Նիկոլ Փաշինյանն իբր պատրաստվում է դեկտեմբերի 31-ին հայտարարել իր հրաժարականի մասին:
"Լուրերն այն մասին, թե իբր իր ամանորյա ուղերձում վարչապետը պատրաստվում է հայտարարել իր հրաժարականի մասին չեն համապատասխանում իրականությանը։ Ավելին, լիովին ապատեղեկատվություն են: Կոչ ենք անում չենթարկվել որոշ լրատվականների տեղեկատվական տեռոր իրականացնող "նորություններին", որոնք իրականացվում, ֆինանսավորվում եւ ուղղորդվում են որոշակի կոնկրետ ուժերի կողմից", - "ՌԻԱ նովոստիին" հայտնել է պետության ղեկավարի մամլո ծառայությունը.
"Մենք միշտ բաց ենք լրատվամիջոցների հետ շփումների համար եւ մեր գործընկերներին կոչ ենք անում տեղեկատվության հրապարակումից առաջ կապվել մեզ հետ եւ ստանալ հավաստի տեղեկատվություն", - ասել է գործակալության զրուցակիցը: