Ջորջ Սորոսը ձերբակալվել է և այժմ գտնվում է Ֆիլադելֆիայում: Վերջերս հրապարակված մեղադրական եզրակացության համաձայն, որը ներկայացվել է Փենսիլվանիայի արևմտյան շրջանում, Սորոսը բազմաթիվ լուրջ հանցագործություններ է կատարել մինչև ԱՄՆ ընտրությունները: Հայտնում է կանադական Conservative Beaver պարբերականը։
Մեղադրական եզրակացության մեջ խոսքը հանցավոր գործունեության մասին է, որին Սորոսը մասնակցել է ընտրություններից առաջ, ինչպիսիք են՝ էլեկտրոնային հաղորդակցության միջոցների օգտագործմամբ խարդախությունը, անձնական տվյալների գողությունն ու համակարգիչների վնասումը: Այդ պնդումներից ոչ մեկը չի ապացուցվել դատարանում, և Սորոսը համարվում է անմեղ, մինչև նրա մեղքն ապացուցվելը։
ԶԼՄ-ների որոշ ներկայացուցիչներ կարծում են, որ Սորոսի ձերբակալության մասին տեղեկությունները կարող են կեղծ լինել։ Կանադացի հեղինակներն էլ պնդում են, որ դատավորն արգելել է Սորոսի ձերբակալության մասին հրապարակումները, սակայն այդ օրենքները չեն տարածվում կանադական ԶԼՄ-ների վրա, ինչպիսիք են Conservative beaver-ը:
P.S. - InterLur.com լրատվական գործակալությանը հաջողվեց պարզել, որ հայկական մամուլ ներթափանցած տեղեկությունը, թե Ջորջ Սորոսը ձերբակալվել է ԱՄՆ ընտրություններին միջամտելու համար, կեղծ է, իսկ այդ մասին հաստատող տարածված փաստաթուղթը ֆոտոմոնտաժի արդյունք: