ՀՀ վարչապետ Նիկոլ Փաշինյանը քիչ առաջ Ազգային ժողովում հանդիպեց ԲՀԿ առաջնորդ Գագիկ Ծառուկյանին։ Հանդիպումը կարճ տեւեց։
Հանդիպումից հետո Ծառուկյանը նշեց, որ իր դիրքորոշումը չի փոխվել եւ վարչապետը պետք է հրաժարական տա, իսկ արտահերթ ընտրություններ ըստ նրա կարող են լինել միայն, եթե վարչապետի այլ ժամանակավոր պաշտոնակատար լինի։
Այս պահին վարչապետ Նիկոլ Փաշինյանը հանդիպում է ԱԺ «Լուսավոր Հայաստան» խմբակցության ղեկավար Էդմոն Մարուքյանի հետ։
Օրեր առաջ ՀՀ վարչապետ Նիկոլ Փաշինյանը ֆեյսբուքյան իր էջում գրեց, որ խորհրդարանական եւ հետաքրքրված արտախորհրդարանական ուժերին հրավիրում է խորհրդակցությունների՝ 2021 թվականին արտահերթ խորհրդարանական ընտրություններ անցկացնելու հարցով: