ՀՀ պաշտպանության նախարար Դավիթ Տոնոյանը խոսում է նոր բարենպաստ դիրքերի զբաղեցման մասին, իսկ ադրբեջանցի օգտատերերը երկու դիրքի կորստի և 17 հոգու մահվան մասին։ Այս գրառումը ֆեյսբուքյան իր էջում արել է ԱԱ ՊՆ մամուլի նախկին քարտուղար Արծրուն Հովհաննիսյանը։ Հիշեցնենք որ Տավուշյան գնդակոծությունները կրկին թեժացան կեսգիշերին մոտ՝
Ինչպես տեղեկացրել էր ավելի վաղ InterLur-ը՝ ՀՀ ՊՆ մամուլի քարտուղար Շուշան Ստեփանյանը, հայտնել էր որԱդրբեջանական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից:
Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը:
Իր հերթին Ադրբեջանի ՊՆ-ն հայտնում է 3 զոհի մասին՝ այդ թվում 2-ը պայմանագրային ծառայողներ, որոնցից մեկը սպա և մեկը ժամկետային։
Ի դեպ տարօրինակ զարգացումներ են ադրբեջանական բանակում, այդ ուժային գերատեսչությունից, այսօրվա դեպքերի մասին խոսում է բանակի նյութատեխնիկական մատակարարման պատասխանատու Նազիմ Օսմանովը ով հոխորտում է ադրբեջանական բանակի իբր ջախջախիչ հարվածի մասին բառ անգամ չարտաբերելով 3 զոհված ու ծանր վիրավորված 4 զինծառայողների մասին։
Հիշեցնենք որ ավելի վաղ InterLur.com-ը տեղեկացրել էր որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, մեզ համար անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով, հետ շպրտվել: Հայկական կողմից կորուստներ չկան:
