Հունիսի 20-ին Հայաստանում տեղի ունեցած խորհրդարանական արդյունքները վիճարկելու մասին քաղաքական ուժերի ներկայացրած դիմումի քննությունը ՀՀ Սահմանադրական դատարանում տեղի կունենա հուլիսի 9-ին, ժամը՝ 11:00-ին:
Քաղաքական ուժերի ներկայացրած դիմումի քննությունը տեղի կունենա գրավոր ընթացակարգով։
Հիշեցնենք՝ խորհրդարանական արտահերթ ընտրությունների արդյունքները ճանաչելու մասին Կենտրոնական ընտրական հանձնաժողովի որոշումը չեղյալ համարելու մասին դիմում ՍԴ ներկայացրել էին «Հայաստան» և «Պատիվ ունեմ» դաշինքները, «Զարթոնք» և «Հայոց հայրենիք» կուսակցությունները։
Գործով զեկուցող է նշանակվել ՍԴ դատավոր Էդգար Շաթիրյանը։
Հիշեցնենք,որ «Հայաստան» դաշինքը միջնորդել է, որպեսզի Վահե Գրիգորյանը չմասնակցի ՍԴ-ում դիմումի քննարկմանը: Դաշինքի միջնորդությունը քննվելու է տվյալ գործի շրջանակներում: