Ռոպէր Աթթարեան - Վատիկան
Կիրակի 19 Յուլիս 2020-ին Ֆրանցիսկոս Սրբազան Քահանայապետը՝ կիրակնօրյա Մարեմյան Աղօթքի ավարտին, Սուրբ Պետրոսի հրապարակում հավաքված հաւատացյալներին ուղղած իր ողջույնի խոսքում անդրադարձել է ՄԱԿ-ի ընդհանուր զինադադարի կոչին, հատուկ հիշելով Հայաստանի եւ Ադրբեջանի սահմանին տեղի ունեցող ռազմական բախումները ու հորդորեց դադարեցնել այն։
«Այս ժամանակահատուածին ուր համաճարակը ետքայլ չընէր, կ՛ուզեմ իմ մօտիկութիւնս վստահեցնել բոլոր անոնց որոնք կը դիմագրաւեն հիւանդութիւնը եւ անոր տնտեսական ու ընկերային հետեւանքները։ Միտքս յատկապէս կ՛երթայ այն ժողովուրդներուն որոնց տառապանքը ծանրացաւ բախումներու իրավիճակի պատճառաւ։ ՄԱԿ-ի ապահովական Խորհուրդի որդեգրած վերջին մէկ բանաձեւի հիման վրայ կը վերանորոգեմ ընդհանուր եւ անմիջական զինադադարի կոչս, որպէսզի առիթ տրուի խաղաղութեան։ Առիթ տայ խաղաղութեան եւ ապահովութեան որոնք անհրաժեշտ են մարդասիրական օգնութիւններ մատուցելու համար» ըսաւ Սրբազան Պապը եւ աւելցուց.
«Յատուկէն եւ մտահոգութեամբ կը հետեւիմ անցեալ օրերուն Կովկասի տարածաշրջանին մէջ զինեալ բախումներու սրացումին, Հայաստանի եւ Ատրպէյճանի միջեւ։ Մինչ աղօթքներս կը վստահեցնեմ բախումներու ընթացքին իրենց կեանքը կորսնցուցած անձերու ընտանիքներուն մաղթանք կը յայտնեմ՝ որ միջազգային հասարակութեան յանձնառումով եւ երկխօսութեան ու կողմերու բարի կամքի միջոցաւ, կարելի ըլլայ յանգիլ մնայուն խաղաղ լուծումի մը որուն նպատակը ըլլայ այդ սիրելի ժողովուրդներուն բարիքը»։
