Հայաստանում տեղի ունեցած թավշյա հեղափոխությունից և Նիկոլ Փաշինյանի վարչապետ դառնալուց հետո հնչում էին դժգոհություններ այն մասին, թե Հայաստանի ու Ռուսաստանի հարաբերությունները այլևս լավ չեն, այդ թվում երկրների ղեկավարների մակարդակով: Փորձեր էին արվում անգամ Արցախյան նոր պատերազմի ընթացքում պաշտոնական Մոսկվայի թվացյալ չեզոքությունը օգտագործել վերը նշված թեզը հիմնավորելու համար։ Սակայն կրեմլյան մեսիջները հատկապես երեկ և այսօր փաստում են հակառակը։
Ինչպես գիտեք, ես անընդհատ աշխատանքային կապի մեջ եմ Հայաստանի վարչապետի հետ, և Հայաստանի ղեկավարությունը ոչ մի հարց չունի Ռուսաստանի դաշնակցային պարտավորությունների կատարման որակի վերաբերյալ:
Այսօր նման հայտարարությամբ հանդես եկավ ՌԴ նախագահ Վլադիմիր Պուտինը` խոսելով Արցախում սկսված պատերազմի մասին:
Ավելին Ռուսաստանի Նախագահը ընդգծված մանրամասնեց նաև ՀԱՊԿ-ի թվացյալ իներտության հանգամանքը։
Ինչպես հայտնի է, Հայաստանը ՀԱՊԿ անդամ է: Մենք Հայաստանի առջև որոշակի պարտավորություններ ունենք այդ պայմանագրի շրջանակներում, բայց մարտական գործողությունները, որոնք ցավոք շարունակվում են մինչ օրս, դրանք ընթանում են ոչ Հայաստանի տարածքում։ Ինչ վերաբերում է Ռուսաստանի կողմից այդ պայմանագրի շրջանակներում իր պայմանագրային պարտավորությունների կատարմանը, ապա մենք միշտ կատարել ենք, կատարում և կատարելու ենք մեր պարտավորությունները։ Լրագրողի հարցին ի պատասխան հայտարարեց Պուտինը։
Դատելով ՌԴ վերլուծական հանրության արտահայտություններից և դաշնային հեռուստաալիքների քաղաքական շուոների մասնակիցների կոնկրետ հայտարարություններից, ինչպես նաև InterLur.com-ի ռուսաստանյան աղբյուրներից։ Այժմ Փաշինյանի և Պուտինի հարաբերություններ շատ լավ են, սառույցը կոտրվել է: ավելին, նրանց մտերմությունը միտված է վերածվել ընկերության:
