Ազգային ժողովում ավարտվեցին «Լուսավոր Հայաստան» խմբակցության նախաձեռնած խոհրդարանական լսումները։
Լսումների նպատակն էր քննարկել երկրում ստեղծված իրավիճակից դուրս գալու ելքերը և ներկայացնել անհրաժեշտ գործողությունների ճանապարհային քարտեզը։
Խմբակցության ղեկավար Էդմոն Մարուքյանը եզրափակիչ ելույթում շնորհակալություն հայտնեց լսումներին մասնակցած անձանց, նաև պատասխանեց նրանց բարձրացրած մի շարք հարցերի։
Մարուքյանն ընդգծեց նաև, որ խորհրդարանական լսումները բաց են եղել բոլորի համար։ «Սոցիալական ցանցերում տեսա, որ ԱԻՄ կուսակցության նախագահ պարոն Հայրիկյանը, քաղաքացիներ, կուսակցություններ ներկայացուցիչներ ասում են, որ մեզ չեք հրավիրել լսումներին, ուզում եմ նորից ևս մեկ անգամ պարզաբանել, որ Ազգային ժողովը լսումները կազմակերպվում են բաց, թափանցիկ, հրապարակային արված հայտարարության հիման վրա, և բոլոր նրանք, ովքեր զանգել, գրանցվել են, բոլոր նրանք եկել են և իրենց ելույթները ունեցել են։ Հրավերներ որևէ ուժի չի ուղարկվել»։
