Պետական անվտանգության ծառայությունը հաստատել է Արտաքին գործերի նախարարության հյուպատոսական վարչության պետ Ֆայիգ Բաղիրովի ձերբակալության մասին տեղեկատվությունը: Այս մասին հաղորդում է Ադրբեջանի Թուրան գործակալությունը։
Վարչության մամուլի ծառայության տարածած հաղորդագրության համաձայն, քննությունը հիմնավոր կասկածներ ուներ այն մասին, որ Բաղիրովը, հյուպատոսական գործերի և փաստաթղթերի հաստատման բաժնի երրորդ քարտուղարի ՝ Իլգար Ալիևի, հյուպատոսական և իրավաբանական բաժնի պետ Նուրուպաշա Աբդուլաևի և այլ ենթակաների միջոցով՝ կաշառքի դիմաց, լուծել է արտասահմանյան քաղաքացիներին մուտքի արտոնագրեր տրամադրելու հարցերը:
Նույն կերպ կաշառք է գանձվել ՝ արագացված ընթացակարգով Ադրբեջանի և արտասահմանյան պետությունների քաղաքացիներին փաստաթղթեր, ապոստիլ տրամադրելու համար:
Բաղիրովի և նրա հետ միասին գործարքի մեջ գտնվող մի խումբ անձանց նկատմամբ ընտրվել է խափանման միջոց՝ կալանքի տեսքով: Բաղիրովը մեղադրվում է կրկնակի կաշառք ստանալու մեջ:
Նշենք, որ 2010-2016թթ. Բաղիրովը Թուրքիայում Ադրբեջանի դեսպանն է եղել: