Հակակոռուպցիոն կոմիտեում քննվող քրեական գործի շրջանակում ձերբակալվել է ՀՀ արտակարգ իրավիճակների նախարար Անդրանիկ Փիլոյանը։
Տեղեկությունը «Լուրերի»հետ զրույցում հաստատեց կոմիտեի մամուլի քարտուղար Մարինա Օհանջանյանը, սակայն այլ տեղեկություններ չհայտնեց։
Հիշեցնենք՝ ավելի վաղ իրավապահները խուզարկություն են իրականացրել ՀՀ արտակարգ իրավիճակների նախարարությունում։ Տեղեկությունը «Լուրեր»-ի հետ զրույցում հաստատել էր Հակակոռուպցիոն կոմիտեի խոսնակ Մարինա Օհանջանյանը՝ հավելելով, որ քննչական գործողություններն իրականացվում են Կոմիտեում քննվող քրեական գործի շրջանակում։ Օհանջանյանը նշել էր, որ այլ տեղեկատվություն այդ պահին չեն կարող տրամադրել՝ նախաքննության շահերից ելնելով:
Ի դեպ, ՀՀ վարչապետ Նիկոլ Փաշինյանի 2 օր առաջ ընդունված որոշմամբ ՀՀ արտակարգ իրավիճակների նախարար Անդրանիկ Փիլոյանին 14 աշխատանքային օրով արձակուրդ էր տրամադրվել։ Մինչև ապրիլի 14-ը նրան կփոխարինի նախարարի առաջին տեղակալ Արմեն Փամբուխչյանը:
Հակակոռուպցիոն կոմիտեից այլ տեղեկատվություն չէին տրամադրել՝ նախաքննության շահերից ելնելով:
