Կորոնավիրուսի համարավակի նվազումը հաշվի առնելով՝ ՀՀ առողջապահության նախարարությունը քովիդով պայմանավորված և ընդունված սահմանափակումների փոփոխությունների նոր փաթեթ է նախաձեռնել, որը շուտով կհանրայնացվի:
Փաթեթն արդեն ուղարկվել է ՀՀ արդարադատության նախարարություն՝ հաստատման:
Այս մասին «Հայկական Ժամանակի» հետ զրույցում ասաց ՀՀ առողջապահության նախարարի խոսնակ Հռիփսիմե Խաչատրյանը:
«Աշխատող քաղաքացիների պատվաստումների և ՊՇՌ թեստ ներկայացնելու վերաբերյալ կետը հանելու վերաբերյալ նույնպես քննարկվում է»,- հավելեց նա:
Այսինքն՝ հնարավոր է՝ աշխատող քաղաքացիներից գործատուն այլևս չպահանջի ներկայացնել ՊՇՌ հետազոտություն։
Հիշեցնենք, որ 2021թ․ հոկտեմբերի 1-ից աշխատող քաղաքացիները, որոնք պատվաստված չեն և չունեն փաստարկված հակացուցումներ, պետք է յուրաքանչյուր 14 օրը մեկ «Քովիդ-19»-ի ՊՇՌ հետազոտության բացասական արդյունքը հավաստող սերտիֆիկատ ներկայացնեն։
Դեկտեմբերի 1-ից արդեն ՊՇՌ թեստի պատասխան ներկայացնելու պահանջը դարձավ յուրաքանչյուր 7 օրը մեկ։