Լոս Անջելեսը հպարտ է, որ ամենամեծ հայկական սփյուռքն ունի աշխարհում: Մենք կանգնած ենք Հայաստանի ժողովրդի կողքին:
Այս մասին իր Թվիթերում գրառում է կատարել Լոս Անջելեսի քաղաքապետ Էրիկ Գարսետտին:
«Ես Վաշինգտոնի մեր ղեկավարներին կոչ եմ անում վարել կայուն եւ խստապահանջ դիվանագիտություն, որն անհրաժեշտ է Արցախի տարածաշրջանում խաղաղություն հաստատելու համար: Թուրքիան պետք է դուրս գա մարտից»,- գրել է քաղաքապետը:
Նշենք, որ արդեն մի քանի օր է՝ ԱՄՆ-ի հայաշատ Լոս Անջելես քաղաքում ցույցերը չեն դադարում: Հայ բնակչության հիմնական բողոքը ԱՄՆ-ի ամենամեծ լրատվական գործակալություններից մեկի՝ CNN-ի մոտ է: Հայերը պահանջում են, որպեսզի ամերիկյան լրատվամիջոցները ոչ կողմնակալ լուսաբանեն ղարաբաղա-ադրբեջանական սահմանին տեղի ունեցող մարտերը, ներկայացնեն իրականությունն Ադրբեջանի հարձակման մասին:
