Արցախի նախագահ Արայիկ Հարությունյանը հանձնարարել է կարճ ժամանակահատվածում միջոցներ ձեռնարկել Ստեփանակերտի նոր գլխավոր հատակագիծը մշակելու ուղղությամբ:
Արցախի նախագահի մամուլի ծառայության հաղորդագրության համաձայն, հունիսի 29-ին կայացած խորհրդակցության ժամանակ Արայիկ Հարությունյանն ասել է, որ «տարիներ ի վեր պատասխանատուների անհեռատես աշխատանքի պատճառով մայրաքաղաքը զրկված է եղել ուրույն ոճ ունենալու հնարավորությունից»:
Արցախի նախագահը նշել է, որ Ստեփանակերտի նոր գլխավոր հատակագծի
վերջնական տարբերակը կքննարկվի նաեւ Անվտանգության խորհրդի նիստում:
Արայիկ Հարությունյանի խոսքով՝ այն հիմք է հանդիսանալու նաեւ նախկինում կառուցված շենք-շինություններին անդրադառնալու եւ, անհրաժեշտության դեպքում, դրանք ձեւափոխելու կամ քանդելու որոշում կայացնելու համար:
