Հայաստանը Եվրամիությանն առաջարկել է սառեցնել Արևելյան գործընկերության ծրագիրն Ադրբեջանի հետ: Այս մասին նոյեմբերի 5-ին ՀՀ ԱԺ-ում Ֆինանսավարկային եւ բյուջետային հարցերի, ինչպես նաեւ եվրոպական ինտեգրման հարցերի մշտական խորհրդարանական հանձնաժողովների համատեղ նիստին 2021 թվականի բյուջեի նախագծի քննարկման ժամանակ հայտարարեց ՀՀ փոխարտգործնախարար Ավետ Ադոնցը:
«Չեմ կարող ասել, որ այս հարցում արդեն պայմանավորվածություն է ձեռք բերվել, սակայն կարող եմ նկատել, որ հարցը բավականին բուռն քննարկվում է»,- ասաց Ադոնցը: Նա նաեւ հայ պատգամավորներին կոչ արեց հարցը բարձրացնել խորհրդարանական դիվանագիտության հարթակներում: