«Ալամթիի հռչակագիրը որպես Հայաստանի և Ադրբեջանի միջև սահմանազատման բազային սկզբունք ընդունված է Հայաստանի և Ադրբեջանի կողմից և դա անշրջելի իրողություն է»:
Այս մասին այսօր հրավիրված ասուլիսի ժամանակ ասաց վարչապետ Նիկոլ Փաշինյւանը՝ արձագանքելով հարցին, թե ավելի քան երկու շաբաթ է ընթանում է Տավուշի ու Ղազախի սահմնաազատումը, ի վերջո ո՞ր թվականի ու ի՞նչ քարտեզներով է ընթանում սահմանազատումը, ու ինչո՞ւ չի հանրայնացվում գործընթացը:
«Ինչ վերաբերվում է սահմանազատման բուն գործընթացին, պիտի արձանագրեմ հետևյալը, որ սահմանազատումը տեղի է ունենում Խորհրդային միության իրավաբանական ուժ ունեցող ամենավերջին քարտեզների հիման վրա: Ինչու ենք խուսափում ասել՝ այ, կոնկրետ այս մի քարտեզի վրա, որովհետև նախկինում էլ ասել եմ, որ մենք չենք ուզում կոնկրետ քարտեզի թվարկմամբ սահմանափակվել, որովհետև նախկինում էլ ասել եմ, որ մեզ համար կարևոր է ՀՀ սահմանի պարագծի ամբողջական սահմանազատումը ապահովելուն միտված իրավական հիմքերի արտահայտումըտ և մենք ըստ այդմ գործում ենք նաև գործնականում»,- ասաց վարչապետը:
Փաշինյանը նկատեց՝ սահմանային սյուները տեղադրվում են իրավական հիմքի վրա և դրանք դառնում են անվտանգային երաշխիք Ոսկեպարի, Կիրանցի, Բերքաբերի, Բաղանիսի և ընդհանրապես ՀՀ-ի համար:
