«Զոհված, հաշմանդամ դարձած զինծառայողների և աշխարհազորայինների, ծնողազուրկ ու սակավ ապահովված բազմազավակ ընտանիքների երեխաների համար մանկական առողջարարական ճամբարներում հանգիստը կազմակերպելու գործընթացի շրջանակներում երեխաներին տրանսպորտային միջոցներով ապահովելու նպատակով ՀՀ կառավարությունը ՏԿԵ նախարարությանը հատկացրել էր 13.4 մլն դրամ»,- այս մասին այսօր կառավարության նիստի ժամանակ հայտարարեց ՏԿԵ փոխնախարար Վաչե Տերտերյանը:
Նա հայտնեց , որ ծախսերը մի փոքր ավելի են. «Մենք 14.6 մլն դրամի նախագիծ ենք ներկայացրել, երեխաները տեղափոխվել են բարձրակարգ տրանսպորտային միջոցներով»:
Նրա խոսքով՝ սա մեծ ծրագրի վերջին միջոցառումն է. «3200 երեխաներ 2 անգամ 20 օր հերթափոխով իրենց հանգիստն են անցկացրել Հանքավանում և Ծաղկաձորում: Անխտիր բոլոր երեխաներին թեստավորել ենք և հետո միայն ուղարկել, և այդ 40 օրվա ընթացքում մենք ոչ մի արձանագրված դեպք չենք ունեցել»:
Փոխնախարարը նաև հավելեց, որ ճամբարներում միջոցառումներն ունեցել են կրթական և հոգեբանական կոմպոնենտներ:
