ՎՏԲ-Հայաստան Բանկի ծառայությունները և գործիքները հաճախորդներին հասանելի են լինելու ամբողջությամբ, բացառությամբ փոխանցումների հետ կապված որոշ սահմանափակումների:
Այս մասին հաղորդագրություն է տարածել բանկի մամուլի ծառայությունը՝ նշելով, որ Հայաստանում գործող «ՎՏԲ-Հայաստան Բանկ» ՓԲԸ-ն ստեղծված է ՀՀ օրենսդրությամբ, կարգավորվում ու վերահսկվում է ՀՀ Կենտրոնական բանկի կողմից։
Նշվում է, որ փոխանցումների հետ կապված որոշ սահմանափակումներ հնարավոր են, քաղաքացիները դրանց հետ ավելի մանրամասն ծանոթանալ կարող են բանկի www.vtb.am պաշտոնական կայքում:
«ՎՏԲ-Հայաստան Բանկն ունի բավարար իրացվելիություն և կապիտալ սպասարկելու իր բոլոր պարտավորությունները։ Բանկին հասանելի են նաև Կենտրոնական բանկի կողմից իրացվելիության տրամադրման մշտական հնարավորության գործիքները»,-ասվում է հաղորդագրության մեջ։
Գիշեցնենք, ռուսական ՎՏԲ բանկը՝ մի շարք այլ բանկերի հետ միասին ներառվել է Եվրամիության խիստ պատժամիջոցների ցանկում, ինչի հետևանքով ՌԴ տրածքում բանկի ծառայություններից օգտվելու սահմանափակումներ են գործում ու բանկերը կանգնել են դժվարությունների առջև: