ՀՀ վարչապետ Նիկոլ Փաշինյանի հրաժարականը պահանջող մի խումբ քաղաքացիներ բողոքի ակցիա են անցկացնում կառավարական առանձնատների մոտ:

ՀՀ վարչապետ Նիկոլ Փաշինյանն ապրիլի 20-ից գտնվում էր Սյունիքի մարզում: Ապրիլի 21-ի առավոտյան Սյունիքի մարզի Ագարակ համայնքում մի խումբ քաղաքացիներ թույլ չէին տվել վարչապետի տեղաշարժը՝ վանկարկումներով ու հայհոյախառն արտահայտություններով:

Րոպեներ առաջ Սյունիքից վերադարձող ՀՀ վարչապետ Նիկոլ Փաշինյանի ավտոշարասյունը մտավ Կառավարական ամառանոց: Այստեղ հավաքվածները արդեն ժամեր շարունակ բողոքի ակցիա էին իրականացնում և սպասում էին վարչապետ Նիկոլ Փաշինյանին: Նրանք տարբեր վանկարկումներ անելով ձվեր շպրտեցին առանձնատան ուղղությամբ: Այնուհետ քաշքշուկ սկսվեց ներկաների և ոստիկանների միջև: