Ուզում եմ հասկանալ. եկեղեցին քաղաքակա՞ն կուսակցություն է, թե՞ ոչ: Այս մասին այսօր Ազգային ժողովում մտքերի փոխանակման ժամանակ ասաց «Քաղաքացիական պայմանագիր» խմբակցության պատգամավոր Վլադիմիր Վարդանյանը:
«Եթե այո, ուրեմն եկեք անդրադառնանք վերջինիս սահմանադրաիրավական կարգավիճակին, եթե այդուհանդերձ շարունակում ենք մնալ աշխարհիկ պետություն, սա էլ է մոտեցում, բայց մենք չենք կարող առավոտյան զարթնել և այս կառույցը դիտարկենք որպես սահմանադրական այս կարգավիճակ ունեցող կառույց, մեկ ուրիշ օր՝ այլ կարգավիճակ»,- ասաց նա:
Պատգամավորը անդրադարձավ նաև լրագրողների դեմ բռնությանը և նշեց, որ երկրորդ, երրորդ դեպքն է ունենում լրագրողների հարձակման, և ասաց, որ ինքը դատապարտում է ցանկացած բռնություն՝ բոլոր լրագրողների նկատմամբ:
Վարչապետի աշխատակազմի ղեկավարի տեղակալ Տարոն Չախոյանը գրում է.
«Ամեն սևազգեստ չէ, որ հոգևորական է։ Ամեն խաչակնքվող չէ, որ սրբազան է։ Ամեն խաչ կրող չէ, որ հավատացյալ է։ Աստծո անունը տվող ամեն ոք չէ, որ սուրբ է։ Քոչարյանի անձնական օգտագործման սևազգեստներին սրբազան մի ասեք, մեղք է»։
