Ուկրաինայի նախագահ Վլադիմիր Զելենսկին անցնում է աշխատանքի հատուկ ռեժիմի՝ մեկուսացման վայրից: Պատճառը տիկնոջ՝ Ելենայի մոտ կորոնավիրուսի վարակի հաստատումն է: Երկրի ղեկավարը կաշխատի հեռավար, նա չի կարող մոտակա օրերին անցկացնել դեմ առ դեմ հանդիպումներ: Այս մասին հայտնել է նախագահական աշխատակազմի մամուլի ծառայությունը: Վլադիմիր Զելենսկիի կինը՝ Ելենան, այժմ գտնվում է բժիշկների հսկողության ներքո, անցնում ստացիոնար բուժում հիվանդանոցում: Նախագահի ու նրանց երեխաների կորոնավիրուսի թեստի պատասխանները բացասական են եղել, մի քանի օրից նրանք կթեստավորվեն երկրորդ անգամ:
Աղբյուր՝ Հայկական Ժամանակ