«Украина-24» հեռուստաընկերության եթերում Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը հայտարարել է, որ երկրի խանութներում պահեստավորված առաջին անհրաժեշտության ապրանքները, սննդամթերքի պաշարները կբավականացնեն 15-20 օր:
Աղբյուրի փոխանցմամբ, երկրի առևտրի կենտրոններում և մթերային խանութների մոտ հերթեր են գոյացել: Լցակայաններում արդեն իսկ նկատվում է վառելիքի պակաս:
Հեռուստատեսության հաղորդած տվյալների համաձայն՝ ձեռնարկությունները, բանկային համակարգերը, էներգետիկ ոլորտն աշխատում են բնականոն ռեժիմով:
Ապրանքների և ծառայությունների դիմաց քարտային վճարումներ կատարելու դեպքում Ուկրաինայի բանկերը սահմանաչափ են մտցրել՝ 100 000 գրիվնայից ավելի հնարավոր չէ կանխիկացնել։
