Մրցակցության պաշտպանության հանձնաժողովը 20 տարեկան է:
Այս մասին ֆեյսբուքյան իր էջում գրառում է կատարել ու լուսանկարներ հրապարակել ՏՄՊՊՀ նախագահ Գեղամ Գևորգյանը՝ նշելով, որ գոյության 20 տարիների ընթացքում հանձնաժողովը կայացման կարևոր ճանապարհ է անցել, բարձրացել են անկախության երաշխիքները, մարմնի դերն ու նշանակությունը: Խոսելով ապագա ծրագրերի մասին՝ ընդգծել եմ, որ առաջիկա տարիներին մրցակցային քաղաքականությունը հիմնված է լինելու 4 կարևոր հենասյուների վրա՝
- օրենսդրության կարգավորում,
- թվայնացում,
- մարդկային ռեսուրսների կառավարում
- մրցակցության քարոզչություն
Այս տարիների ընթացքում մեծ բարեփոխումների են ենթարկվել ինստիտուտները: Այսօր չեք կարող տեսնել, որ շուկաներում կան արհեստական խոչընդոտներ, խնդիրներ, որոնք սահմանափակում են մրցակցությունը: Մենք հիմա անցել ենք դասական մրցակցային խնդիրների լուծմանը, ինչպես ամբողջ աշխարհում է, այսինքն՝ խնդիրներ, որոնք ստեղծվում են ոչ թե պետական ռեսուրսների կիրառմամբ, այլ տնտեսավարողների մրցակցության արդյունքում: