Սփյուռքի աջակցությամբ ՀՀ-ում վիրավոր զինվորների համար տիտանե պրոթեզների արտադրություն է հիմնվել։
Վիրավոր զինվորների համար Հայաստանում արտադրվում են տիտանից առաջին պրոթեզները:
Ինչպես հայտնում են Սփյուռքի Գլխավոր Հանձնակատարի Գրասենյակից, ֆրանսահայ, ռուսաստանահայ, գերմանահայ, ամերիկահայ և լիբանանահայ մեր հայրենակիցները Հայաստանի իրենց գործընկերների հետ ստեղծել են «Հիբրիդ» լաբորատորիան (Medical&Health), DDC (Digital Diagnostic center) և MDS (Medical Dental Shop) կենտրոնները:
Գլխավոր հանձնակատար Զարեհ Սինանյանը մասնակցել է բացման արարողությանը՝ այն համարելով սփյուռքի տարբեր համայնքների միջև համագործակցության հիանալի օրինակ:
Հանձնակատարը շրջել է կենտրոնի տարածքում, ծանոթացավ իրականացվող աշխատանքներին:
11 վիրավոր զինվորի համար արդեն աճեցվել են տիտանե պրոթեզներ: Նրանք բարեհաջող վիրահատվել են, վերադարձել բնականոն կյանքի: