Այսօր՝ փետրվարի 20-ին, ժամը 15։00-ից Երևանի Ազատության հրապարակում տեղի ունեցավ ՀՀ Վարչապետ Նիկոլ Փաշինյանի հրաժարականը պահանջող ընդդիմության՝ «Հայրենիքի փրկության շարժման» հրավիրած հանրահավաքը։ «Իրազեկ քաղաքացիների միավորումը» աերոնկարահանման միջոցով իրականացրել է հանրահավաքի մասնակիցների հաշվարկ, որի արդյունքում պարզվել է, որ 15։40-ի դրությամբ Ազատության հրապարակում գտնվել է 12 000 մարդ։ Հաշվարկն իրականացվել է մասնակիցների անհատական հաշվարկի միջոցով։ Նշենք, սակայն, որ հանրահավաքի մասնակիցների մի մասը, եղանակային պայմանների պատճառով, պատսպարվել էին հրապարակին հարակից սրճարանների ծածկերի տակ։ Տեղում իրականացված հաշվարկի տվյաներով, այդպիսի մասնակիցների քանակը կազմել է շուրջ 800:
Բողոքի ակցիայի ավարտին, Հանրապետության հրապարակում հավաքված քաղաքացիների առջև ելույթ ունեցավ «Հայրենիքի փրկության շարժման» համակարգող Իշխան Սաղաթելյանը: Նա հայտնեց, որ իշխանության հեռացման դեմ բողոքի գործողությունները երկուշաբթիից շարունակվելու են: «Մենք երկուշաբթի օրվանից շարունակելու ենք մեր աննազանդության բողոքի ակցիաներն առանց դադարի ամբողջ մայրքաղաքում, այնուհետև մարզերում, նույնիսկ Հայաստանի հեռավոր գյուցերում»,- ասաց Սաղաթելյանը, հայտնելով, որ փետրվարի 22-ին, ժամը 18։00-ին Կոմիտասի Պրահայի այգու դիմացից սկսում են անհնազանդության երթ։ Սաղաթելյանը նշեց, որ դա տարբերվելու է արժանապատվության երթերից, որովհետև լինելու է անհնազանդության երթ։