Ապրիլի 11-ին Տեղ համայնքում հայկական դիրքերի վրա ադրբեջանական ուժերի զինված հարձակումից հետո՝ իրավիճակը հանգիստ է։ Այս ընթացքում ադրբեջանցիները դեռևս որևէ սադրանքի չեն դիմել,- ԶԼՄ-ների հետ զրույցում ասել է Տեղ համայնքի ավագանու անդամ, Արավուս գյուղի նախկին ղեկավար Արգամ Հովսեփյանը։
«Տեղեկատվությունը, թե իրավիճակը կրկին լարված է, իրականությանը չի համապատասխանում։ Ապրիլի 11-ից հետո թշնամին կրակոցներ չի հնչեցրել։ Այս պահին դիրքերում ակտիվ ինժեներական աշխատանքներ են իրականացվում՝ մեր կողմից էլ, իրենց կողմից էլ։ Թշնամին ինչ դիրքում կանգնած էր ապրիլի 11-ին, այդ դիրքերում է՝ առաջ չի եկել»,- իրավիճակը ներկայացրել է Արգամ Հովսեփյանը։
