Սյունիքի մարզի բնակիչներն այսօր փակել են Գորիս-Կապան միջպետական ճանապարհը: Սյունեցիները իշխանությունից անվտանգության երաշխիքներ են պահանջում:
Ակցիայի մասնակիցներից մեկը նշում էր, որ այսօր Սյունիքը՝ Հայաստանի ողնաշարը, վտանգված է, և պետք է բոլորը մեկ մարդու նման հավաքվեն ու միանան ակցիային:
«Ամեն օր հեռուստացույցով լսում ենք, որ խոսքը չի վերաբերում ՀՀ պետական սահմաններին, բայց մինչ օրս պատասխան չենք ստացել, թե որն է Սյունիքի պետական սահմանը»,- ասաց ակցիայի մասնակիցը:
Հիշեցնենք, որ ավելի վաղ ՀՀ ՊՆ-ն հաղորդագրություն էր տարածել՝ տեղեկացնելով, որ Սյունիքի սահմանի որոշ հատվածներում կտեղակայվեն ռուս սահմանապահներ:
Նշենք՝ Կապանի քաղաքապետ Գևորգ Փարսյանը ներկայացրել էր Սյունիքում ստեղծված վիճակը: Նրա խոսքով՝ երեկ ՊՆ կողմից հրաման է տրվել մեր զինվորականներին, որ մինչև այսօր՝ ժամը 17:00-ը, հայկական կողմը պետք է զիջի մեր զբաղեցրած դիրքերը:
