Երեկվանից մինչ այս պահը Շիրակի մարզպետարանի մուտքը շարունակում են փակ պահել Շիրակի գերեվարված զինծառայողների ծնողներն ու հարազատները: Նրանք գիշերը դուռը բացել են և կառույցի տղամարդ աշխատակիցներին ևս թույլ են տվել, որ դուրս գան շենքից: Կանանց համար դուռն ավելի վաղ էին բացել: Մարզպետարանի տղամարդ աշխատակիցների մի մասը, սակայն, շենքից չի հեռացել, մնացել է աշխատավայրում:
Այս պահին, սակայն, մարզպետարանի մուտքը կրկին փակված է, որևէ աշխատակից ներս մտնել չի կարող: Պահանջը նույնն է. վարչապետը գա Գյումրի և պատասխանի իրենց մեկ հարցին, թե երբ են վերադարձվելու իրենց որդիները:
Նշենք, որ երեկ՝ ապրիլի 13-ին, ժամը 14:00-ից 2020 թվականի դեկտեմբերի 16-ին Խծաբերդից գերեվարված զինծառայողների ծնողները արգելափակել են Շիրակի մարզպետարանի մուտքը:
