InterLur.com լրատվական գործակալության փոխանցմամբ՝ ոստիկանության Սևանի բաժնում տեղեկություններ էին ստացվել, որ Սևանի 34-ամյա մի բնակիչ վարչական տարածքում գողություններ է անում: Տարածված հաղորդագրությունում մասնավորապես ասվում է.
Ձեռք բերված տեղեկությունների իսկությունը ստուգելուց հետո հուլիսի 29-ին կասկածվողը բերման ենթարկվեց ոստիկանության Սևանի բաժին:
Պարզվել է` նա հունվար ամսին կոտրել է Սևանա լճի հանգստյան գոտիներից մեկի առանձնատան ու մի մենատան դռները և թանկարժեք խմիչք գողացել:
Կասկածվողը տվել է խոստովանական բացատրություն:
Տուժողից ընդունվել է հաղորդում:
Հանգամանքները պարզվում են:
Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
