Վրաստանի նախագահ Սալոմե Զուրաբիշվիլին գրառում է արել Twitter-ի իր միկրոբլոգում՝ շուտափույթ ապաքինում մաղթելով ՀՀ նախագահ Արմեն Սարգսյանին։
«ՀՀ նախագահ, մաղթում եմ շուտափույթ ապաքինում: Այս վիրուսը սահման և կարգավիճակ չգիտի, բայց մենք գլոբալ համերաշխության միջոցով կհաղթահարենք այս ճգնաժամը և դուրս կգանք ավելի ուժեղացած»,- գրել է Զուրաբիշվիլին:
Ավելի վաղ հայտնել էինք՝ ՀՀ նախագահը վարակվել է կորոնավիրուսով:
