Կայացել է ՌԴ նախագահ Վլադիմիր Պուտինի հեռախոսազրույցը Բելառուսի Հանրապետության նախագահ Ալեքսանդր Լուկաշենկոյի հետ։ Թիրախում ռուս-բելառուսական Միութենական Պետությունն է։ Այս մասին, Ինչպես հաղորդում է InterLur.com լրատվական գործակալությունը, օգոստոսի 16-ին հայտնել է Կրեմլի պաշտոնական կայքը․
Հիշեցնենք, որ առաջին հեռախոսազրույցը տեղի էր ունեցել Բելառուսական կողմի նախաձեռնությամբ։ Լուկաշենկոն տեղեկացրել էր նախագահական ընտրություններից հետո Բելառուսում տիրող իրավիճակի մասին: Երկու կողմերն էլ վստահություն էին հայտնել, որ առաջացած բոլոր խնդիրները շուտով կլուծվեն, իսկ այդ խնդիրներից չպետք է օգտվեն այն ապակառուցողական ուժերը, որոնք ձգտում են վնասել Միութենական Պետության շրջանակներում երկու երկրների փոխշահավետ համագործակցությանը։ Պայմանավորվածություն էր ձեռք բերվել շարունակել պարբերական շփումները տարբեր մակարդակներում և հաստատել դաշնակից հարաբերությունները ամրապնդելու տրամադրվածությունը, ինչը լիովին բավարարում է Ռուսաստանի և Բելառուսի եղբայրական ժողովուրդների հիմնարար շահերը:
Օգոստոսի 16-ին Կրեմլի պաշտոնական կայքը հայտնեց արդեն երկրորդ հեռախոսազրույցի մասին: Շարունակում էին նախագահական ընտրություններից հետո Բելառուսում տիրող իրավիճակի քննարկումը, այդ թվում՝ հաշվի առնելով դրսից հանրապետության վրա գործադրվող ճնշումները: Ռուսական կողմը վերահաստատել է իր պատրաստակամությունը՝ անհրաժեշտության դեպքում օգնություն ցուցաբերել Միութենական Պետության ստեղծման մասին պայմանագրի սկզբունքների հիման վրա ծագած խնդիրները լուծելու համար, ինչպես նաև, անհրաժեշտության դեպքում, Հավաքական Անվտանգության Պայմանագրի Կազմակերպության միջոցով:
