ՄԱԿ-ի գլխավոր քարտուղար Անտոնիո Գուտերեշը կիրակի օրը երկու անգամ հեռախոսով զրուցել է Եվրամիության ղեկավարության հետ՝ փորձելով լուծել Ժնև ռուսական պատվիրակության ժամանման հարցը, որը չի կարողանում մասնակցել այսօր ու վաղը սպասվող միջազգային միջոցառումներին Եմ երկրների կողմից օդային տարածքի փակման պատճառով։
Այս մասին հայտնել է Ժնևի ՄԱԿ-ի կենտրոնակայանի պաշտոնական ներկայացուցիչ Ալեսանդրա Վելուչին։
Նա նշել է, որ ՄԱԿ-ում Ռուսաստանի մշտական ներկայացուցչությունը Նյու Յորքում խնդրել է գլխավոր քարտուղարին «օգնել այս իրավիճակում»։
«Չնայած գլխավոր քարտուղարը պատասխանատու չէ անդամ պետությունների համար թռիչքների թույլտվություն ստանալու համար, այդուհանդերձ, նա և իր աշխատակազմի ղեկավարը խոսել են ԵՄ համապատասխան մարմինների, այդ թվում՝ Եվրոպական խորհրդի նախագահ Շառլ Միշելի հետ, ում հետ Գլխավոր քարտուղարը նույնիսկ երեկ երկու անգամ է զրուցել՝ փորձելով լուծել այս հարցը»,- ասել է Վելուչին:
Նշենք, որ այսօր ու վաղը Ժնևում սպասվում է ՄԱԿ-ի մարդու իրավունքների խորհրդի բարձրաստիճան նիստը: Նիստին մասնակցելու համար Ժնև է մեկնել նաև ՀՀ ԱԳ նախարար Արարատ Միրզոյանը:
